به‌ڕێوه‌به‌رایه‌تی پۆلیسی گه‌رمیان ئه‌مڕۆ یه‌كشه‌م ده‌ستگیركردنی تۆمه‌تبارێكی ڕاگه‌یاند كه هه‌ڵسابوو به پێداكردنی تیزاب به ئۆتۆمبێلی هاووڵاتییه‌ك.
عه‌قید عه‌لی جه‌مال له ڕاگه‌یاندنی پۆلیسی گه‌رمیان گوتی: هاووڵاتییەکی دانیشتووی گەڕەکی شەهیدانی شارۆچكه‌ی کەلار سکاڵای تۆمار كرد به‌وه‌ی كه ئۆتۆمبێلەکەی لە جۆری (تۆیۆتا لاندكرۆزەر) لەلایەن کەسێکی نەناسراوەوە تیزابی پێدا کراوه و بەشێکی ئۆتۆمبێلەکەی سوتێنراوە.
گوتشی: دوای لێکۆڵینەوە و بەدواداچوون و سوودبینین لە کامێراكانی چاودێری، بنکەی پۆلیسی شەهیدانی شارۆچكه‌ی کەلار توانیان تۆمەتباره‌كه دەستگیر بکەن.
هه‌روه‌ها گوتی: دوای لێکۆڵینەوە لەگەڵیدا، تۆمەتباره‌كه دانی نا بە تاوانەکەیدا.
پۆلیسی گه‌رمیان جه‌ختیشی كرده‌وه كه بە بڕیاری دادوەر و بەپێی ماددەی 477 له یاسای سزادانی عێراقی، ئێستا تۆمه‌تباره‌كه بەندکراوە.
کۆمێنت (0)
تا ئێستا هیچ کۆمێنتێک نەکراوە.