ژمارەی كوژراوانی سوپای ئیسرائیل بەرزبووەوە

دوو سەربازی دیكە بەهۆی هێرشی ئیسرائیلەوە لە كاتی شەڕەكانی كەرتی غەززە كوژران، ئەمەش ژمارەی كوژراوانی سوپای ئیسرائیل لە ماوەی 3 ڕۆژدا بۆ 12 سەرباز بەرز دەكاتەوە.
 بەمەش ژمارەی كوژراوانی سوپای ئیسرائیل لە سەرەتای جەنگەوە لە 7ی ئۆكتۆبەرەوە تا ئێستا گەیشتووەتە 413 سەرباز.
 هەروەها كتیبەكانی قەسام بڵاویكردۆتەوە كە چەكدارەكانیان توانیویانە 23 ئۆتۆمبێلی سەربازی ئیسرائیل لە خان یونس و بەیت لاهیە بە تەواوەتی لەناو ببەن و كە بووەتە هۆی كوژران و برینداربوونی 6 سەربازی ئیسرائیل.
هاوكات سوپای ئیسرائیل بۆ یەكەمجار لە دوای دەستپێكردنی ئۆپەراسیۆنە زەمینییەكان لە باشووری كەرتی غەززە ،گەیشتنی هێزەكانی بۆ ناوەندی شاری خان یونس پشتڕاستكردەوە.