سه‌رۆكی كه‌نیسه‌ی كلدانی له عێراق و جیهان سوپاسی سه‌رۆكی حكوومه‌تی هه‌رێمی كوردستانی كرد بۆ پشتیوانی به‌رده‌وامی له كریستییانه‌كان له هه‌رێمی كوردستاندا.
ئه‌مڕۆ دووشەم مەسرور بارزانى سه‌رۆكى حکوومەتی هه‌رێمى كوردستان پێشوازى له كاردینال لویس ساكۆ پاتریارك و سەرۆكی كەنیسەی كلدانی لە عێراق و جیهان کرد.
پاتریارک کاردینال لویس ساکۆ کورتەیەکی لەبارەی سەردانەکەی بۆ ڤاتیکان و کۆبوونەوەی لەگەڵ پاپای ڤاتیکان و کاردیناڵەکانی کاتۆلیکی لە جیهان خستەڕوو و سوپاسی سەرۆکی حکوومەتی کرد بۆ پشتیوانی بەردەوامی لە کریستییانەکان و پەرەپێدانی بەیەکەوەژیانی ئاشتییانە لە هەرێمی کوردستان.
سەرۆکی حکوومەت ستایشی ڕۆڵی گرینگی پاتریارک کاردینال لویس ساکۆی وەک ڕێبەری باڵای کەنیسەی کلدانی کرد و پابەندبوونی حکوومەتی هەرێمی کوردستانی بە پاراستنی مافی کریستییانەکان و گشت پێکهاتەکان لە هەرێم دووپات کردەوە.
کۆمێنت (0)
تا ئێستا هیچ کۆمێنتێک نەکراوە.