بەڕێوەبەرايەتی نەهێشتنی ماددە هۆشبەرەکان ده‌ستگیركردنی 5 تۆمه‌تباری راگه‌یاند

ده‌ستگیركرانی 5 تۆمه‌تبار  كه‌ كڕین و فرۆشتنیان به‌ مادده‌ی هۆشبه‌ر ده‌كرد راگه‌یاندرا.
ئه‌مرۆ دووشه‌م 13ی11ی2023، به‌رێوه‌به‌رایه‌تی نه‌هێشتنی مادده‌ هۆشبه‌ره‌كان بڵاویكرده‌وه‌، لە بەردەوامی هەوڵەکانی بەڕێوەبەرایەتیەکەمان لە بەرەنگاربوونەوەی ماددەی هۆشبەرەکان لەڕێکەوتی 12ی11ی2023، لەچاڵاکی سەرکەوتوودا دوای وەرگرتنی بڕیاری  دادوەری لێکۆڵینەوەی ئاساییش، توانرا پێنج تۆمەتباری مەترسیدار دەستگیربکرێن کە کاری کڕین و فۆرۆشتنیان بەمادده‌ی هۆشبەرەوە دەکرد. 
به‌رێوه‌به‌رایه‌تییه‌كه‌ ئاماژه‌ی به‌وه‌شكردووه‌، لەم چاڵاکییەدا بڕی (یەک کیلۆگرام) ماددەی هۆشبەر لە جۆری کریستاڵ و جامایکا دەستی بەسەردا گیرا.