نەتەوە یەکگرتووەکان: پێویستە ڕێز لە یەکپارچەیی خاکی غەززە بگیرێت

نەتەوە یەکگرتووەکان بڵاویکردەوە کە شوێنێکی ئارام لە غەززەدا نییە و ڕایگەیاند: پێویستە ڕێز لە یەکپارچەیی خاکی غەززە بگیرێت.
گوتەبێژی نەتەوە یەکگرتووەکان، ستیفان دوجاریک لە میانی کۆنگرەی ڕۆژنامەوانیی ڕۆژانەیدا، وەڵامی پرسیارەکانی دایەوە.
لە وەڵامی پرسیارێکدا کە ئایا بانگەوازی ئاگربەست لە غەززە بە چ واتایەک دێت، دوجاریک باسی لەوە کرد کە دەستەواژەی جیاواز لەو بارەیەوە بەکارهاتووە، بەڵام بانگەوازی نەتەوە یەکگرتووەکان بە ئامانجی مرۆییە بۆ ڕاگرتنی شەڕ و پێکدادانەکان.
لە وەڵامی پرسیارێکی دیکەدا کە ئایا بانگەوازی ئاگربەست بۆ باکوور یان باشووری غەززەیە، دوجاریک ڕایگەیاند: پێویستە ڕێز لە یەکپارچەیی خاکی غەززە بگیرێت، شوێنێکی ئارام لە غەززەدا نییە.