سه‌رۆكی حكوومه‌تی هه‌رێمی كوردستان په‌یامێكی سه‌ره‌خۆشی ئاراسته‌ی بنه‌ماڵه‌ی هه‌ردوو شه‌هیدی ڕووداوه‌كه‌ی دوێنێی چیای قه‌ره‌چووغ له سنووری مه‌خموور كرد.
مه‌سرور بارزانی سه‌رۆكی حكوومه‌تی هه‌رێمی كوردستان له په‌یامه سه‌ره‌خۆشییه‌كه‌دا ڕایگه‌یاند "پرسە و سەرەخۆشی لە بنەماڵە و کەسوکاری هەردوو شەهیدی پێشمەرگەی قارەمان (عەقید قەهار جەوهەر قەهار) و (هاوڕی جەوهەر ڕەحمان) دەکەم و هاوخەمیانم کە بە داخەوە دوێنێ لە ڕووداوێکی نەخوازراودا لە مەخموور شەهید بوون".
مه‌سرور بارزانی ڕاشیگه‌یاند "خوای مەزن گیانیان بە بەهەشت شاد بکات و سەبر و ئارامییش بەهەمووان ببەخشێت".
سه‌رۆكی حكوومه‌ت هه‌روه‌ها ڕایگه‌یاند "سەرەخۆشی لە کەسوکار و بنەماڵەی شەهیدان لە سوپای عێراقیش دەکەم و گیانیان شاد بێت و جێگەیان بەهەشت بێت".
کۆمێنت (0)
تا ئێستا هیچ کۆمێنتێک نەکراوە.