قایمقامی هه‌ولێر ڕایگه‌یاند كه دوو به‌نزینخانه‌یان له شاره‌كه سزا داوه و داخستووه به‌هۆی فرۆشتنی به‌نزینی خراپ و پابه‌ندنه‌بوون به ڕێنماییه‌كانه‌وه.
نه‌به‌ز عه‌بدولحه‌مید قایمقامی هه‌ولێر ڕایگه‌یاند: لە درێژەی بەدواداچوون و چاودێریکردنی لێژنەکان و بەهۆی فرۆشتنی بەنزینی کوالێتی خراپ و پابەند نەبوونیان بەڕێنماییەکان دوو وێستگەی بەنزین (بەنزینخانە) لە شاری هەولێر داخران و سزا دران.
ڕاشیگه‌یاند: ئه‌و دوو به‌نزینخانه‌یه لە کۆی 58 وێستگە بوونه کە پشکنینیان بۆ کراوە لە ڕێكه‌وته‌كانی 14/10/2023 تاكو 19/10/2023.
قایمقامی هه‌ولێر ناوی ئه‌و دوو به‌نزینخانه‌شی ئاشكرا كرد كه داخراون ئه‌وانیش بریتین له وێستگەی ماردین و وێستگەی پۆڕش.
کۆمێنت (0)
تا ئێستا هیچ کۆمێنتێک نەکراوە.