سبه‌ی شه‌قامی سه‌ره‌كی‌ سلێمانی – تاسلوجه‌ داده‌خرێت

سه‌رۆكایه‌تی شاره‌وانی سلێمانی شوفێران و هاووڵاتییان ئاگادار ده‌كاته‌وه‌ كه‌ سبه‌ی پێنجشه‌م شه‌قامێكی سه‌ره‌كی شاره‌كه‌یان به‌هۆی كاركردنه‌وه‌ داده‌خه‌ن.

سه‌رۆكایه‌تی شاره‌وانی سلێمانی ڕایگه‌یاند: ئاگاداری هاووڵاتییان و شۆفێران دەكه‌ینه‌وه‌ كە سبه‌ی پێنجشه‌م ڕێكه‌وتی 19/10/2023 سایدی ڕۆشتن و هاتن لە شەقامی سلێمانی - تاسڵوجە بەرەو شەقامی قلیاسان دادەخرێت.

ڕاشیگه‌یاند: داخستنه‌كه‌ له‌ کاتژمێر 7:00 سەرلەبەیانی سبه‌ی پێنجشه‌م ده‌بێت.

سه‌باره‌ت به‌ هۆكاری داخستنه‌كه‌ش، شاره‌وانی سلێمانی ئاماژه‌ی به‌وه‌ دا كه‌ بە مەبەستی کارکردن لە ئەندەرپاسی دوو بە ئاراستەی شەقامی قلیاسان کە بەشێکە لە جێبەجێکردنی قۆناغی سێیەمی پڕۆژەی یەکتربڕی باخی بەختیاری ده‌بێت.

داواشی له‌ هاووڵاتییان كرد شەقامەکانی دەوروبەری ئه‌و ناوچه‌یه‌ وەک جێگرەوە بەکاربهێنن.