ئه‌مریكا پاڵپشتی سه‌ربازی خۆی بۆ پێشمه‌رگه‌ دووپاتكرده‌وه‌

شاندێکی سەربازی ئەمریکا سەردانی وەزارەتی کاروباری پێشمەرگەیان کرد.
ئێواره‌ی رۆژی سێشەممە 17ی تشرینی یەکەمی 2023، شاندێکی سەربازی سوپای ئەمریکا کە پێکهاتبوون لە تیمی گەیاندن و سیستەمی زانیاری لە فەرماندەیی گەیاندنی سوپا و تیمی سەرچاوە مڕۆییەکان لە سوپای ئەمریکا، لەڕێگەی نووسینگەی هاریکاری ئاسایش لە کونسوڵخانەی گشتی ئەمریکا لە هەولێر سەردانی بەڕێوبەرایەتی تەکنەلۆجیا و زانیاری وەزارەتی پێشمەرگەییان کرد.
شاندەکە لەلایەن عەمید بەختیار خوداداد، بەڕێوەبەر بەڕێوبەرایەتی و کەمال نەجمەدین پێشوازیی لێکرا.
لە دیدارێکدا، تاوتوێی بەدواداچوون بۆ کارەکانی پرۆژەی بەڕێوەبردنی سەرچاوە مڕۆییەکان(HRMS) لە وەزارەتی کاروباری پێشمەرگە کرا، هاوکات تیشکخراییە سەر  بەڕێوەبردنی بەرنامەکانی تایبەت بە کاروبارەکانی پرۆگرامی سەرچاوە مڕۆییەکان و سیستەمی زانیاری لە وەزارەتی کاروباری پێشمەرگە.
لە کۆتایی ئەو دیدارەدا، جەخت لەسەر پێشخستنی کاروبارەکانی بەڕێوەبەرایەتی تەکنەلۆجیا و زانیاری وەزارەتی کاروباری پێشمەرگە کرایەوە و شاندی سەربازی ئەمریکا پاڵپشتی و هاوکاری خۆییان دەربڕی لە پێناو پێشخستنی زیاتری ئەم بەشەی وەزارەت و بەردەوامبوونی پەیوەندییەکانیشیان لەگەڵ وەزارەتی پێشمەرگە دووپات کردەوە.