میدیاكانی ئیسڕائیل واده‌ی سه‌ردانیكردنی سه‌رۆكی ئه‌مه‌ریكا بۆ وڵاته‌كه‌یان ئاشكرا كرد.
كه‌ناڵی 12ی ئیسڕائیلی بڵاوی كرده‌وه: جۆ بایدن سه‌رۆكی ئه‌مه‌ریكا به‌ره‌به‌یانی رۆژی چوارشه‌م یاخود پێنجشه‌م ده‌گاته ته‌لئه‌بیب.
بڵاویشی كرده‌وه: سه‌رجه‌م ئاماده‌كارییه‌كان بۆ سه‌ردانه‌كه‌ی سه‌رۆكی ئه‌مه‌ریكا بۆ ته‌لئه‌بیب ته‌واو كراوه.
ئه‌مه له‌كاتێكدایه كه شه‌وی ڕابردوو بنیامین نه‌تانیاهۆ سه‌رۆك وه‌زیرانی ئیسڕائیل به فه‌رمی داوایه‌كی ئاراسته‌ی جۆ بایدن سه‌رۆكی ئه‌مه‌ریكا كرد بۆ سه‌ردانیكردنی وڵاته‌كه‌ی.
ئه‌مڕۆ دووشه‌م شه‌ڕ و پێكدادانه‌كانی سوپای ئیسڕائیل له‌گه‌ڵ گرووپه چه‌كداره‌كانی فه‌ڵه‌ستین پێ ده‌نێته رۆژی ده‌یه‌مه‌وه، دوای ئه‌وه‌ی رۆژی 7ی ئه‌م مانگه كه‌تائیبی عیزه‌دین قه‌سام باڵی سه‌ربازی بزووتنه‌وه‌ی حه‌ماس به هێرشكردن بۆ سه‌ر بنكه سه‌ربازییه‌كانی ئیسڕائیل، ئۆپه‌ڕاسیۆنی تۆفانی ئه‌قسای دژی ئه‌و وڵاته ڕاگه‌یاند.
کۆمێنت (0)
تا ئێستا هیچ کۆمێنتێک نەکراوە.