سەرۆکی حکوومەتی هەرێمی کوردستان لەگەڵ کونسوڵی گشتیی نوێی چین لە هەولێر کۆبووەوە، کونسوڵی چین ستایشی پێشکەوتن و ئاوەدانیی هەرێمی کوردستانی کرد.
ئەمڕۆ دووشەممە 16ـی 10ـی 2023 مەسرور بارزانی سەرۆکی حکوومەتی هەرێمی کوردستان پێشوازی لە لیو جیون کونسوڵی گشتیى نوێی کۆماری میللی چین لە هەرێمی کوردستان كرد.
سەرۆکی حکوومەت پیرۆزبایی دەستبەکاربوونی لە کونسوڵی گشتیی چین کرد و هیوای سەرکەوتنی لە ئەرکەکەیدا بۆ خواست.
کونسوڵی گشتیی چین وێڕای ستایشکردنی پێشکەوتن و ئاوەدانیی هەرێمی کوردستان، کورتەیەکی له‌بارەی کار و چالاکیی و پڕۆژەکانیان لە هەرێمی کوردستان خستەڕوو، بەتایبەتی لە بوارەکانی پەرەپێدانی وەبەرهێنان و ئاڵوگۆڕی بازرگانی و خوێندن و ژینگەپارێزیدا.
کۆمێنت (0)
تا ئێستا هیچ کۆمێنتێک نەکراوە.