دوای نیوه‌ڕۆی ئه‌مڕۆ دووشه‌م بوومه‌له‌رزه‌یه‌ك به گوڕی 6 پله‌ی ڕێخته‌ر له كه‌ناراوه‌كانی وڵاتی ئه‌ندۆنیسیا ڕووی دا.
ناوه‌ندیی بوومه‌له‌رزه‌زانی ئه‌وروپی ڕایگه‌یاند كه بوومه‌له‌رزه‌كه كاتژمێر 15:51 خوله‌ك له دووری 39 كیلۆمه‌تر له باكوری دوورگه‌ی تیرنات له ئه‌ندۆنیسیا ڕوویداوه له قوڵایی 163 كم.
ڕاشیگه‌یاند كه گوڕی بوومه‌له‌رزه‌كه ئه‌وه‌نده به‌هێز بووه بۆته هۆی دروستبوونی ترس و دڵه‌ڕاوكێی هاووڵاتییانی ناوچه‌كه.
لای خۆشییانه‌وه ده‌سه‌ڵاتدارانی ئه‌ندۆنیسیا تا ئێستا بوونی زیانی گیانی و ماددیبه‌هۆی بوومه‌له‌رزه‌كه ڕانه‌گه‌یاندووه.
کۆمێنت (0)
تا ئێستا هیچ کۆمێنتێک نەکراوە.