به‌ڕێوه‌به‌رایه‌تی هاتوچۆی سۆران ئاشكرای كرد كه ته‌نیا ئه‌مڕۆ پێنجشه‌م به‌هۆی ڕووداوی هاتوچۆ له شارۆچكه‌كانی چۆمان و خه‌لیفان 9 كه‌س بریندار بوون.
راگەیاندنی هاتوچۆی سۆران بڵاوی كرده‌وه: دوای نیوەڕۆی ئەمڕۆ پێنجشەم لە دوو ڕووداوی هاتوچۆ لە سنووری شارۆچكه‌ی چۆمان و خەلیفان، 9 کەس بریندار بوون.
ڕووداوی یه‌كه‌م لە نزیک گوندی چۆمباڵوکی له شاره‌دێی سمیلان لە سنووری شارۆچكه‌ی چۆمان ڕووی دا و تێیدا له ڕووداوێکی هاتووچۆی پێكدادان لەنێوان دوو ئۆتۆمبێلی جۆری نیسان ئاڵتیما و پیکاپ دێر، 6 کەس بریندار بوون.
ڕووداوی دووەمیش لە رێگه‌ی هاوینەهەواری گەلی عەلی بەگ ڕووی دا کە دوو ئۆتۆمبێلی جۆری نیسان سێنترا و و پاس پێكیان دادا و لە ئەنجامیشدا 3 کەس بریندار بوون.
راگەیاندنی هاتوچۆی سۆران ئاماژه‌ی به‌وه‌ش دا كه بریندارەکانی هه‌ردوو ڕووداوه‌كه گەیەنراونەته نەخۆشخانەکان و تەندروستیان جێگیرە، ته‌نیا زیانی ماددی بەر ئۆتۆمبێلەکان گەیشتووه.
کۆمێنت (0)
تا ئێستا هیچ کۆمێنتێک نەکراوە.