سبەی یەکەم رۆژی مانگی موحەڕەمی ساڵی نوێی 1445ی کۆچییە

سبەی چوارشەممە 19ی تەمووز، یەکەم رۆژی مانگی موحەڕەمی ساڵی نوێی 1445ی کۆچییە.
1445 ساڵ لەمەوبەر کۆتا پێغەمبەر، محەمەد (د.خ) لە مەککەوە بۆ مەدینە کۆچی کرد و ئەم کۆچەش لە جیهانی ئیسلامییدا وەک دەستپێکی رۆژژمێری کۆچی دیاریی کرا.
هیلالی دەستپێکی مانگی موحەڕەم، ئێوارەی ئەمڕۆ بەنزیکەیی لە باشووری کیشوەری ئاسیا، ئەورووپا و ئەفریقا دەبینرێت.
رۆژووی مانگی موحەڕەم، لێنانی چێشتی عاشورا و دابەشکردنی و یادکردنەوەی شەهادەتی نەوەی پێغەمبەر، حەزرەتی حوسێن (ع) و یاوەرانی لە کەربەلا، گرنگترین رێوڕەسمە ئایینییەکانی ئەم مانگەن.
ئەمساڵیش رۆژی عاشورا واتە 10ی موحەڕەم دەکەوێتە 28ی تەمووزەوە.