ڤیدیۆ.. بزانە نرخی ئەو ئۆتۆمبێلە چەندە كە ئەردۆغان كردییە دیاری بۆ جێنشینی سعوودیە 

رەجەب تەیب ئەردۆغان، سەركۆماری توركیا، ئۆتۆمبێلی "تۆگ" كە یەكەم ئۆتۆمبێلی دروستكراوی توركیایە كردە دیاری بۆ محەمەد بن سەلمان،جێنشینی سعوودیە.
ئەردۆغان و بن سەلمان، لە كۆشكی سەلام كۆبوونەوەو دوای كۆبوونەوەكەش سەركۆماری توركیا ئۆتۆمبێلێكی "تۆگ"ی رەنگ سپی كردە دیاری بۆ جێنشینی سعوودیە .
دواتر ئەردۆغان و بن سەلمان، لە حەوشەی كۆشكەكە بۆ ماوەیەك لە ئۆتۆمبێلەكە وردبوونەوە و باسیان لە تایبەتمەندییەكانی كرد.پاشان ئەردۆغان بە یاوەری بن سەلمان بە ئۆتۆمبێلەكە كە بن سەلمان لێیدەخوڕی چوونە ئەو هۆتێلەی ئەردۆغان لێیدەمێنێتەوە.
بەگوێرەی ئاژانسی ئەنادۆڵ ، توركیا بۆ یەكەمجار لە 29ی تشرینی یەكەمی 2022 بەرهەمهێنانی ئۆتۆمبێلی "تۆگ"ی ڕاگەیاند.
نرخی ئۆتۆمبێلەكەش لەجۆری "Tug" T10X "V1 RWD" لە 50 هەزار دۆلارەوە دەست پێدەكات، لەكاتێكدا نرخی جۆری ستانداردی "V2 RWD" 55.6 هەزار دۆلارە، هەروەها نرخی هەمان جۆری مەودای دوور نزیكەی 64 هەزار دۆلارە .