سەرۆکایەتی شارەوانی هەولێر جەختی کردەوە کە گەیاندنی پڕۆژەی خزمەتگوزاری بۆ 8ـی حەسارۆک بەردەوامە.
ڕاگەیاندنی سەرۆکایەتی شارەوانی هەولێر ڕایگەیاند: ئەندازیار عەبدولواحید محەمەد سەرۆکی شارەوانی ھەولێر، سەردانی پڕۆژەی گەیاندنی خزمەتگوزاری بۆ 8ـی حەسارۆک کرد و جەختی کردەوە کە پەلەکردن لە کارەکان بکرێت پێش ھاتنی وەرزی زستان و بارانبارین.
ڕاشیگەیاند: پڕۆژەکە بریتییە لە دروستکردنی شەقامى 60 مەتری و دانانی ئاوەرۆ و لێدانی بیری ئاو، لەلایەن تیمەکانی سەرۆکایەتی شارەوانی ھەولێر و تیمەکانی بەڕێوەبەرایەتی ئاو و ئاوەرۆ سەرپەرشتی دەکرێت.
ئاماژەی بەوەش دا کە پڕۆژەکە بە گوژمەی زیاتر لە 7 ملیار دینار بە ماوەی 110 ڕۆژ ئەنجام دەدرێت.
کۆمێنت (0)
تا ئێستا هیچ کۆمێنتێک نەکراوە.