فه‌رمانده‌ی هێزه‌كانی حه‌فتای پێشمه‌رگه رایگه‌یاند: كار ده‌كرێت بۆ گه‌ڕانه‌وه‌ی پێشمه‌رگه بۆ كه‌ركووك.
له لێدوانێكی تایبه‌ت به كوردستان تیڤی شێخ جه‌عفه‌ر شێخ مسته‌فا فه‌رمانده‌ی هێزه‌كانی حه‌فتای پێشمه‌رگه رایگه‌یاند: هێزه ئه‌منییه‌كانی عێراق هیچ كۆنتڕۆڵێكیان به‌سه‌ر كه‌ركووك و خانه‌قین و ناوچه كوردستانیه‌كانی ده‌ره‌وه‌ی ئیداره‌ی هه‌رێم نه‌ماوه و به‌بێ هێزی پێشمه‌رگه‌ش ناوچه‌كه‌یان پێ ناپارێزرێت.
هاوكات راشیگه‌یاند: له ئێستادا میكانیزمێكمان له‌به‌ر ده‌ستدایه بۆ گه‌ڕانه‌وه‌ی هێزی پێشمه‌رگه بۆ كه‌ركووك.
سه‌باره‌ت به لێدوانی چه‌ند پارتێكی عه‌ره‌ب و توركمان، شێخ جه‌عفه‌ر رایگه‌یاند: هه‌موو عه‌ره‌ب و تو‌ركمانه‌كان دژی پێشمه‌رگه نین، به‌ڵكو هه‌ندێك پارتی عه‌ره‌ب و توركمانی كه‌م هه‌ن كه هه‌ڵوێستی ناشیرینیان به‌رامبه‌ر كورد و پێشمه‌رگه هه‌یه.
کۆمێنت (0)
تا ئێستا هیچ کۆمێنتێک نەکراوە.