وادەی یەکەم شەپۆلی بەفربارین لە ھەرێمی کوردستان ڕاگەیەندرا

‌شاره‌زایه‌كی كه‌شناسی پێشبینی ده‌كات: لە ناوەڕاستی ئەم مانگەدا ئەگەری هاتنی یەکەم شەپۆلی بەفربارین ڕوو لە ناوچە شاخاوییەکانی ھەرێمی کوردستان بکات .
 ئاراس جەبار، شارەزای بواری کەشناسی لە بڵاوکراوەیەکدا  رایده‌گه‌ێنێت: لە ڕۆژانی (17 بۆ 24)ی  ئەم مانگە ئەگەرێکی سەرەتایی هەیە کە یەکەم شەپۆلی بەفر بارین ناوچە شاخاوییەکانی ھەرێمی کوردستان بگرێتەوە و کەشی زستانە و سەرما پێشبکەوێت.
 راشیده‌گه‌ێنێت: شەپۆلەکە بەگشتی جێگیر نیە لە ڕووی کاتی ھاتن یان نەمان و مانەوەی، تەنھا ئەوە دەرکەوتووە لە نێوان (17 و 24) مانگ ئەم ئەگەرە ھەیە کە یەکەم شەپۆلی بەفر بارین ناوچە شاخاوییەکان بگرێتەوە.
ئاراس جەبار پێشبینیش دەکات، کە پێش ئەو وادەیەش ئەگەر ھەیە شەپۆلێکی بارانبارین ڕوو لە ھەرێمی کوردستان بکات.