له هه‌فته‌ی سێزده‌می خولی ئیسپانیا، یانه‌ی بارسێلۆنا بووه میوانی یانه‌ی سێلتاڤیگۆ، له ئه‌نجامدا هه‌ردوو یانه به سێ گۆڵ بۆ هه‌ریه‌كه‌یان یه‌كسان بوون.
دوای تێپه‌ڕبوونی پێنج خوله‌ك به‌سه‌ر فیكه‌ی ده‌ستپێكی یاری، یاریزان ئانسۆ فاتی گۆڵێكی بۆ بارسا تۆماركرد، پاشان سێرجیۆ بۆسكێتس گۆڵی دووه‌می بلاوگڕانای له خوله‌كی هه‌ژده به‌ده‌ستهێنا، له خوله‌كی سی و چواریش، مێمفیس دێپای هۆڵه‌ندی بارسای كرده خاوه‌نی گۆڵی سێیه‌م و گێمی یه‌كه‌م به‌م ئه‌نجامه به پێشكه‌وتنی یانه كاتالۆنیه‌كه ته‌واوبوو.
له گێمی دووه‌میش یاریزانانی سێلتاڤیگۆ ئاستێكی به‌رزیان له‌به‌رامبه‌ر بارسا پێشكه‌شكرد له خوله‌كی په‌نجاودوودا، یاریزان ئیاگۆ ئه‌سپاس گۆڵی یه‌كه‌می سێلتاڤیگۆی تۆماركرد.
دواتر یاریزان مانوێل نۆلیتۆ گۆڵی دووه‌می تیپی میوانداری له خوله‌كی حه‌فتاوچوار به‌ده‌ستهێناو جیاوازی گۆڵه‌كانی له‌نێوان هه‌ردوو تیپ كه‌مكرده‌وه، یاریزانانی سێلتاڤیگۆ هه‌ر به‌مه‌ش نه‌وه‌ستان و له دوایین خوله‌كی كاتی زیادكراوی یاریدا، ئیاگۆ ئه‌سپاس گۆڵی دووه‌می خۆی و سێیه‌م و به‌رامبه‌ری تیپه‌كه‌ی تۆماركردو ئه‌نجامی ڕووبه‌ڕوو بوونه‌وه‌كه‌ی یه‌كسان كرده‌وه.
به‌م ئه‌نجامه‌ش كۆی خاڵه‌كانی بارسێلۆنا له پله‌ی نۆیه‌می ڕیزبه‌ندی یانه‌كان بۆ حه‌ڤده خاڵ به‌رزبووه‌وه‌و یاریه‌كی دواخراوی ماوه، سێلتاڤیگۆش به دوازده خاڵ له پله‌ی چوارده‌می ڕیزبه‌ند دێت.
له لالیگادا بارسێلۆنا و سێڵتاڤیگۆ یه‌کسانبوون
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.