لە گەڕی چوارەمی قۆناغی كۆمەڵەكانی چامپیۆنس لیگ و لە یاری لوتكەی ئەم گەڕەی خولەكەو لە گڕوپی دووەمدا، یانەی لیڤەرپول چوارەم سەركەوتنی لەسەریەكی بەدەستهێناو بە دوو گۆڵی بێ بەرامبەر لە یانەی ئەتلەتیكۆ مەدریدی میوانی بردەوە.
لە خولەكی سێزدەدا، دیێگۆ جۆتای پۆرتوگالی گۆڵێكی بۆ لیڤەرپول تۆماركرد، دواتر سادیۆ مانێی سەنیگالی گۆڵی دووەمی ڕێدزی لە خولەكی بیستویەك بەدەستهێنا، هەر لە یاریەكەدا، ناوبژیوان بە كارتی سوور فێلیپی بەڕازیلی و بەرگریكاری ئەتلەتیكۆی كردە دەرەوەی یاریگاو بەو هۆیەوە تیپی میوان ڕووبەڕوو بوونەوەكەی بە دە یاریزان تەواوكرد.
بەم بردنەوەش كۆی خاڵەكانی لیڤەرپول لە پێشەنگی ڕیزبەندی گڕوپی دووەم بۆ دوازدە خاڵ بەرزبووەوەو گەیشتنی بۆ قۆناغی شازدە مسۆگەركرد، ئەتلەتیكۆش بە چوار خاڵ لە پلەی سێیەمی ڕیزبەندی گڕوپەكە دێت.
لیڤه‌رپول سه‌رکه‌وتنی به‌سه‌ر ئه‌تله‌تیکۆ مه‌درید تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.