پیاوێک به‌هۆی منداڵی کچه‌وه‌ ژنه‌که‌ی ده‌سووتێنێ

ژنێک لە گوندێکی سەر بە شاری ماکۆ لە پارێزگای ئورمییە، دوای ئەوەی کە دەردەکەوێت کۆرپەكه‌ی نێو سکی کچە، لەلایەن پیاوەکەیەوە دەستوندرێت.                                                                                             
ڕێکخراوی هەنگاو بۆ مافەکانی مرۆڤ ڕایگەیاند: چه‌ند ڕۆژێك پێش ئێستا ژنێک بە ناوی فاتمە ڕەسوولی بە هۆی سووتانی بەشێکی زۆری جەستەی لە یەکێک نه‌خۆشخانه‌كانی ئورمییە گیانی لەدەست داوه‌.                                   
ڕێکخراوەکە ڕاشیگەیاند:  فاتمە ڕەسووڵی كه‌ خەڵکی گوندی (قوریشکاک)ی سەر بە شاری ماکۆیە، له‌ چه‌ند ڕۆژی ڕابردوودا لەلایەن هاوژینەکەیەوە بە ناوی ڕەسوول تەیار بە دەست و پێ بەستراوی ئاگری تێبەردراوە.                  
هەروەها ڕایگەیاند: یەکێک لە دانیشتووانی گوندی قوریشکاک لەبارەی ڕووداوه‌كه‌ ڕایگەیاندووە کە فاتمە دایکی پێنج منداڵی کچ بووە و دوای ئەوەی ڕەگەزی منداڵی شەشەمیان لە سۆنەر بە کچ دیاری کراوە لەلایەن هاوژینەکەیەوە ئاگری تێبەردراوە.                                                                                                                                                                                                                                         
ڕێکخراوی هەنگاو ئاماژە بەوەشداوه‌ کە پیاوەکە هەڵهاتووە و تا ئێستاش هیچ هەوڵێک لەلایەن ناوەنده‌ ئەمنییەکان بۆ دەستگیركردنی تۆمەتبار ئەنجام نەدراوە.