وەزیری تەندروستی هەرێمی کوردستان بڕیاری دا بە پێدانی ڤاکسین لە جۆری فایزەر-بایۆنتیک بە مێردمنداڵانی تەمەنی 12 ساڵی و سەرووتر.
د. سامان بەرزنجی وەزیری تەندروستی هەرێمی کوردستان ئەمڕۆ دووشەممە لە لێدوانێکی تایبەتدا بۆ (کوردستان تیڤی) ڕایگەیاند: ئاماژە بە ڕاسپاردەکانی لێژنەی باڵای ڕاوێژکاری بەرنامەی کوتان و ڕاسپاردەی ڕێکخراوی تەندروستی جیهانی WHO وە لەپێناو کەمکردنەوەی ترسناکی بڵاوبوونەوەی ڤایرۆسی کۆڕۆنا و زیادکردنی بەرگریی کۆمەڵگە بۆ بەرەنگاربوونەوەی پەتای کۆڕۆنا بڕیار درا بە پێدانی ڤاکسین بە مێردمنداڵان.
د. سامان بەرزنجی ڕاشیگەیاند: پێدانی ڤاکسینی جۆری فایزەر-بایۆنتیک بۆ چین و توێژەکانی کۆمەڵگە لە تەمەنی 12 ساڵی و سەرووتر دەبێت، وە پێویستە پێشینە بۆ کەسانی گرووپی مەترسیدار بێت لەنێو ئەو تەمەنانە.
کۆمێنت (0)
تا ئێستا هیچ کۆمێنتێک نەکراوە.