لە شاری مانچستەری ئینگلتەرا، تیروپشكی ڕكابەرییەكانی جامی نەتەوەكانی ئەوروپای دووهەزاروبیستودوو بۆ تۆپی پێی خانمان ڕاكێشرا.
لە تیروپشكەكەدا، شازدە هەڵبژاردەی خانمان بەسەر چوار گڕوپ دابەشكران، لە ئەنجامدا، هەڵبژاردەی ئینگلتەرای میوانداری پاڵەوانێتیەكە كەوتە گڕوپی یەكەم و لەبەرامبەر هەڵبژاردەكانی خانمانی نەمساو ئێرلەندای باكوورو نۆروێژ یاری دەكات.
گڕوپی دووەمیش هەریەك لە هەڵبژاردەكانی خانمانی ئەڵمانیاو ئیسپانیاو فنلەنداو دانیماركی بەیەكەوە كۆكردەوە، هاوكات هەڵبژاردەی خانمانی هۆڵەندای پاڵەوانی جیهان لە گڕوپی سێیەم ڕووبەڕووی هەڵبژاردەكانی خانمانی سویدو ڕوسیاو سویسرا دەبێتەوە.
گڕوپی چوارەمیش لە هەڵبژاردەكانی خانمانی فەڕەنساو ئیتاڵیاو بەلجیكاو ئایسلەندا پێكدێت.
ڕكابەرییەكانی پاڵەوانێتیەكە لە شەشی تەمموزی ساڵی داهاتوو بە یاری نێوان ئینگلتەراو نەمسا لە یاریگای ئۆڵد ترافۆرد لە شاری مانچستەر دەستپێدەكات و یاری كۆتایش لە سیی و یەكی هەمان مانگ لە یاریگای وێمبڵی لە لەندەن بەڕێوەدەچێت.
تیروپشکی ڕکابەرییەکانی جامی نەتەوەکانی ئەوروپای 2022 بۆ تۆپی پێی خانمان ڕاکێشرا
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.