به‌ڕێوه‌به‌ری ڕاگه‌یاندنی هاتوچۆی هه‌ولێر ئاشكرای كرد، ئێواره‌ی ئه‌مڕۆ پێنجشه‌م به‌هۆی سه‌ركێشی و نمایشی گه‌نجێكه‌وه به ئۆتۆمبێله‌كه‌ی خۆی كێشا به 5 ئۆتۆمبێلی تردا.
فازڵ حاجی به‌ڕێوه‌به‌ری ڕاگه‌یاندنی هاتوچۆی هه‌ولێر ڕایگه‌یاند: کاتژمێر 5ی ئێوارەی ئەمڕۆ پێنجشه‌م لەسەر شەقامی 120 مەتری لەو بەشەی دەکەوێتە نێوان رێگای شەقڵاوە و گەڕەکی هەولێری نوێ، گەنجێک کە ئۆتۆمبێلێكی جۆری (بی ئێم ده‌بلیوو)ی تایبەتی لێدەخوڕی و نمایشی پێ دەکرد و وەکو مار لەنێوان ئۆتۆمبێلەکان بە خێرایی دەڕۆیشت، لەو کاتەدا کۆنترۆلی لەدەست دا و خۆی کێشا بە 5 ئۆتۆمبێل و لە دواییشدا لە شەقام دەرچوو خۆی بە ڕاگرەکانی تەنیشتی شەقام دادا و دوای شکاندنی کۆمەلێک داری جوانکاری، ئینجا چووە سەر شەقامی خەدەمی 120 مەتری و لەوێ وەستا.
هه‌روه‌ها ڕایگه‌یاند: بەداخەوە لە دەرەنجامی ئەو ڕووداوە 4 کەس کە شوفێر و سەرنشینی ئۆتۆمبێلەکانی تر بوون زامدار بوون، زیانیش بە 6 ئۆتۆمبێل کەوت،هه‌روه‌ها 20 مەتر گاردرێلی ڕێگایەکە تێکچوو و چەند دارێکی جوانکاریش شکان، ئەمە جگە لە وەستانی جوڵە و داخستنی ڕێگاکە بۆ ماوەیەک.
کۆمێنت (0)
تا ئێستا هیچ کۆمێنتێک نەکراوە.