تۆڕی هه‌واڵی ئه‌منیی عێراقی ئه‌مڕۆ پێنجشه‌م ده‌ستگیركردنی دوو تیرۆرستی له باشووری به‌غدای پایته‌خت ڕاگه‌یاند كه به دوو له مه‌ترسیدارترین تیرۆریست ناوهێنراون.
تۆڕی هه‌واڵی ئه‌منیی عێراقی له به‌یاننامه‌یه‌كدا بڵاوی كرده‌وه: له‌ژێر سه‌رپه‌رشتی ڕاسته‌وخۆی فه‌رمانده‌ی فه‌رمانده‌یی ئۆپه‌راسیۆنه‌كانی به‌غدا/كه‌رخ له لیوای 24 و به‌هاوكاری ده‌زگای هه‌واڵگری به‌غدا توانرا دوو تیرۆریست له ناوچه‌ی ئه‌بوو غرێب له باشووری به‌غدا ده‌ستگیر بكرێن.
له به‌یاننامه‌كه‌دا ناوی تیرۆریسته‌كان و تاوانه‌كانیان نه‌هێنراون، به‌ڵام تێیدا هاتووه: هه‌ردوو تۆمه‌تباره‌كه داواكراو بوون به‌پێی ماده‌ی ¼ له یاسای تیرۆر و به دوو له مه‌ترسیدارترین تیرۆریسته‌كان دیاریكرابوون.
جه‌ختیشی كرده‌وه كه هه‌ردوو تیرۆریسته‌كه ئێستا ڕاگیراون و ڕاپێچی به‌رده‌م دادگا ده‌كرێن بۆ وه‌رگرتنی توندترین سزا.
کۆمێنت (0)
تا ئێستا هیچ کۆمێنتێک نەکراوە.