په‌یامنێری كوردستان تیڤی رایگه‌یاند: تیمێكی پارێزگای هه‌ولێر گه‌یشته قه‌زای مه‌خمور به‌مه‌به‌ستی گه‌یاندنی خزمه‌تگوزارییه‌كانی حكوومه‌ت به ناوچه‌كه.
كارزان كاكل په‌یامنێری كوردستان تیڤی رایگه‌یاند: به‌یانی ئه‌مڕۆ چوارشه‌مه 20 ى 10 ى 2021 ، تیمێكی حكوومه‌تی هه‌رێم كه پێك هاتبوون له : مه‌سعود كاڕه‌ش جێگری پارێزگای هه‌ولێر ، به‌رێوه‌به‌رانی گشتی ته‌ندروستی و شاره‌وانی و رێگاو بانی هه‌ولێر سه‌ردانی هه‌ردوو قه‌زای مه‌خمور و ناحیه‌ی قه‌راجیان كرد .
په‌یامنێری كوردستان تیڤی راشیگه‌یاند: له كۆبوونه‌وه‌ی تیمی حكوومه‌ت و به‌رپرسانی مه‌خمور و قه‌راج ، تاوتوێی گه‌یاندنی پڕۆژه‌كانی حكوومه‌تی هه‌رێم بۆ ناوچه‌كه ده‌كرێت .
هه‌روه‌ها تیمه‌كه‌ی حكوومه‌ت له‌گه‌ڵ چین و توێژه‌كانی هه‌ردوو قه‌زای مه‌خمور و قه‌راج كۆده‌بنه‌وه به‌مه‌ستی گوێگرتن له داواكارییه‌كانیان له پێناو جێ به‌جێ كردنیان.
کۆمێنت (0)
تا ئێستا هیچ کۆمێنتێک نەکراوە.