فڕۆکەکانی تورکیا چیای به‌ربزینیان له‌ سیده‌کان بۆردومان کرد

 فرۆكه‌كانی توركیا چیای به‌ربزینیان له‌ سنووری سیده‌كان بۆردومان كرد .

كاتژمێر 9:30 ى به‌یانی ئه‌مڕۆ یه‌كشه‌مه‌  17 ى 10 ى 2021  ، بەھۆی ھەبونی  باره‌گاكانی چەکدارانی پەکەکە له‌ سنووری سیده‌كان  فڕۆکەکانی تورکیا  بۆردومانی چیای به‌ربزینیان كرد.

 بەپێی سەرچاوە و زانیارییەکان كه‌ دەست ماڵپه‌ری کوردستان تیڤی کەوتون فڕۆکەجەنگییەکانی تورکیا لەماوەی  نیو کاتژمێردا   سێ جار لوتکەی چیای بەربزینیان لە نزیک سنورەکانی نێوان ھەرێمی کوردستان و ئێران بەچڕی  بۆردومان کردووه‌.
 بەھۆی ئەوەی کەشوێنەکەش دوری ئاواییەکانە،  زیانەکانی ئەو بۆردومانە تا ئێستاكه‌ نه‌زانراوه‌ ، ھاوکات وێڕای بۆردومانی فڕۆکە جەنگیيەکان ماوەی دوو ڕۆژە فڕۆکەی چاودێری به‌سه‌ر ئاسمانی ناوچەکە دەسورێنەوە.