هاوپه‌یمانی عه‌ره‌بی به سه‌رۆكایه‌تی سعوودیه كه پشتیوانی له حكوومه‌تی یه‌مه‌ن ده‌كات رایگه‌یاند: له ئاكامی كه‌وتنه‌وه‌ی مووشه‌كێك له فڕۆكه‌خانه‌ی نێوده‌وڵه‌تی شا عه‌بدوڵڵا له باشووری رۆژئاوای سعوودیه كه له‌لایه‌ن حوسییه‌كانه‌وه ئاراسته كرابوو پێنج كه‌س بریندار بوون.
گوته‌بێژی هاوپه‌یمانی عه‌ره‌بی، توركی ئه‌لمالیكی به ئاژانسی هه‌واڵی سعوودیه SPAی راگه‌یاند ئه‌و مووشه‌كه‌ی حوسییه‌كان ئاراسته‌یان كردووه له فڕۆكه‌خانه‌ی نێوده‌وڵه‌تی شا عه‌بدوڵڵا له شاری جازان كه‌وتووه‌ته خواره‌وه.
مالیكی ئاماژه‌ی به‌وه داوه به‌پێی زانیارییه به‌رایییه‌كان پێنج كه‌س له فڕۆكه‌خانه‌كه بریندار بوون كه گه‌شتیار و كارمه‌ندی فڕۆكه‌خانه‌كه‌ن.
تاكوو ئێستا له‌مباره‌یه‌وه حوسییه‌كان هیچ لێدوانێكیان نه‌داوه.
کۆمێنت (0)
تا ئێستا هیچ کۆمێنتێک نەکراوە.