یانه‌ی چێڵسی به بردنه‌وه‌ی له یانه‌ی ساوسهامپتۆنی میوانی به سێ گۆڵ به‌رامبه‌ر به گۆڵێك به شێوه‌ی كاتی پێشه‌نگی ڕیزبه‌ندی یانه‌كانی خولی ئینگلته‌رای وه‌رگرت، یارییه‌كه له‌میانی هه‌فته‌ی حه‌وته‌می خوله‌كه‌و له یاریگای ستامفۆرد بریج له له‌نده‌ن به‌ڕێوه‌چوو.
له خوله‌كی نۆدا، یاریزان ترێڤۆ چالۆبا سوودی له لێدانێكی كۆرنه‌ر وه‌رگرت و گۆڵێكی بۆ چێڵسی به لێدانی سه‌ر تۆماركردو گێمی یه‌كه‌م به‌م ئه‌نجامه ته‌واوبوو.
له گێمی دووه‌میش هه‌وڵه‌كانی یاریزانانی ساوسهامپتۆن بۆ یه‌كسان كردنه‌وه‌ی ئه‌نجامی یاری لێدانێكی سزای لێكه‌وته‌وه‌و یاریزان جێمس وارد لێدانه‌كه‌ی سه‌ركه‌وتووانه جێبه‌جێ كردو گۆڵی به‌رامبه‌ری میوانه‌كانی له خوله‌كی شه‌ست ویه‌ك به‌ده‌ستهێنا.
دواتر هه‌مان یاریزان به‌هۆی به‌كارهێنانی توندوتیژی و له لایه‌ن ناوبژیوانه‌وه به كارتی سوور كرایه ده‌ره‌وه‌ی یاریگاو به‌و هۆیه‌وه ساوسهامپتۆن یاریه‌كه‌ی به ده یاریزان ته‌واوكرد.
له خوله‌كی هه‌شتاوچواریشدا، تیمۆ ڤێرنێری ئه‌ڵمانی گۆڵی دووه‌می بلوزی تۆماركرد، دواتر یاریزان بێنجامین چیلوێل گۆڵی سێیه‌می یانه له‌نده‌نیه‌كه‌ی له خوله‌كی هه‌شتاونۆ به‌ده‌ستهێنا.
به‌م بردنه‌وه‌ش كۆی خاڵه‌كانی چێڵسی بۆ شازده خاڵ به‌رزبووه‌وه‌و به شێوه‌ی كاتی سه‌ركه‌وت بۆ سه‌رووی لیستی ڕیزبه‌ندی یانه‌كانی پرێمه‌رلیگ، ساوسهامپتۆنیش به چوار خاڵ له پله‌ی حه‌ڤده‌می ڕیزبه‌ندی دێت .
له پریمه‌رلیگدا چێڵسی سه‌رکه‌وتنی به‌سه‌ر ساوسهامپتۆن تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.