له‌ لالیگادا ئه‌تله‌تیکۆ بلباو سه‌رکه‌وتنی به‌سه‌ر ئالاڤێش تۆمارکرد

له‌ ده‌ست پێكی گه‌ری هه‌شته‌می خولی یانه‌كانی ئیسپانیا و له‌هه‌رێمی باسك یانه‌ی ئه‌تله‌تیك بلباو میوانداری یانه‌ی دیپۆرتیڤۆ ئالاڤێشی كردو یاریه‌كه‌شی لێ برده‌وه‌ به‌ ئه‌نجامی گۆلێكی بێ به‌رامبه‌ر.
 یارییه‌كه‌ له‌سه‌ر یاریگای سان مامێس به‌رێوه‌ چوو ، بلباو به‌ هێرش و فشار بۆ سه‌ر میوانه‌كه‌یان ده‌ستیان به‌یاریه‌كه‌ كردو چه‌ند جارێك گه‌یشتنه‌ سه‌ر گۆلی ئالاڤێش به‌لام له‌ دوا خوله‌كی نیوه‌ی یه‌كه‌م رائوول گارسیا تاكه‌ گۆلی یاریه‌كه‌ی له‌ سوودی خاوه‌ن یاریگا تۆمار كرد.
له‌ نیوه‌ی دوه‌میش ئه‌نجامی یاری گۆرانكاری دیكه‌ی به‌خۆوه‌ نه‌بینی و ئه‌تله‌تیك بلباو سێیه‌م بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانی بۆ سێزده‌ خال به‌رزكرده‌وه‌و به‌شێوه‌ی كاتی سه‌ركه‌وت بۆ پله‌ی شه‌شه‌می ریزبه‌ندی .
دیپۆرتیڤۆ ئالاڤێسیش تووشی شه‌شه‌م دۆراندن هات و ته‌نها یه‌ك بردنه‌وه‌ی هه‌یه‌وخاوه‌نی سێ خاله‌و له‌ پله‌ی نۆزده‌هه‌مین و پێش كۆتایی ریزبه‌ندی دێت .