شانه‌ی ڕاگه‌یاندنی ئه‌منیی نیشتمانیی عێراق ئاشكرای كرد، توانیویانه ئه‌مڕۆ هه‌ینی 25 چه‌كداری ڕێكخراوی تیرۆریستی داعش له پارێزگای نه‌ینه‌وا ده‌ستگیر بكه‌ن.
شانه‌كه هه‌روه‌ها بڵاوی كرده‌وه: مه‌فره‌زه‌كانی شانه‌ی ئه‌منیی نیشتمانی له پارێزگای نه‌ینه‌وا دوای وه‌رگرتنی ڕێگه‌پێدانی دادگا و به‌پێی زانیارییه هه‌واڵگرییه‌كان توانرا 25 تیرۆریست ده‌ستگیر بكه‌ن كه ئه‌ندامی ڕێكخراوی داعش بوون و وه‌ك چه‌كدار كاری تیرۆریستیان له پارێزگاكانی نه‌ینه‌وا و سه‌ڵاحه‌دین و چه‌ند ناوچه‌یه‌كی تریش ئه‌نجامداوه.
شانه‌ی ڕاگه‌یاندنی ئه‌منی نیشتمانی عێراق ڕاشیگه‌یاند كه سه‌رجه‌م تاوانباره‌كان دانیان به ئه‌ندامێتی داعش و تاوانه‌كانیان ده‌رهه‌ق به هاووڵاتییان و هێزه ئه‌منییه‌كان داناوه، ئێستاش دۆسییه‌كانیان ڕه‌وانه‌ی دادگا كراون بۆ ئه‌وه‌ی سزای یاسایی خۆیان وه‌ربگرن.
کۆمێنت (0)
تا ئێستا هیچ کۆمێنتێک نەکراوە.