ڕاگه‌یاندنی پۆلیسی گه‌رمیان ئاشكرای كرد، ئه‌مڕۆ هه‌ینی ئۆتۆمبێڵێك له هاووڵاتییه‌ك ده‌دات و گیان له‌ده‌ست ده‌دات و تا ئێستاش كه‌سوكاره‌كه‌ی دیار نین.
موقه‌ده‌م عه‌لی جه‌مال به‌رپرسی ڕأگه‌یاندنی پۆلیسی گه‌رمیان بڵاوی كرده‌وه: بەیانی ئەمڕۆ هەینی لەسەر ڕێگای کەلار- گردەگۆزینە، ئۆتۆمبێڵێک لە جۆری جێب واز هاووڵاتییەک لە ڕەگەزی نێر دەشێلێت پاش گەیاندنی بە بەشی فریاکەوتنی شەهید هەژار لە کەلار، گیان لە دەست ده‌دات.
هه‌روه‌ها ڕایگه‌یاند: لەبەر ئەوەی ئه‌و هاووڵاتییه‌ی ئۆتۆمبێڵ لێیداوه هیچ ناسنامەیەکی پێ نییە، تا ئێستا کەسوکاره‌كه‌ی نادیارن و تەرمەکەشی لە پزیشکی دادوەری له قەزای کەلارە ماوه‌ته‌وه.
به‌رپرسی ڕأگه‌یاندنی پۆلیسی گه‌رمیان جه‌ختی كرده‌وه كه شۆفێری ئۆتۆمبێڵەکەش بە بڕیاری دادوەر و بەپێی مادەی 24ی هاتووچۆ بەند کراوە.
کۆمێنت (0)
تا ئێستا هیچ کۆمێنتێک نەکراوە.