لە گه‌ڕی دووه‌م و قۆناغی كۆمه‌ڵه‌كانی چامپیۆنس لیگ، یانەی بارسێلۆنا جارێكی دیكە دووچاری دۆڕانێكی سەخت هات و لە دەرەوەی یاریگای خۆی بە سێ گۆڵی بێ بەرامبەر بە یانەی بەنفیكای میوانداری دۆڕا.
یاریزانانی بەنفیكا بە شێوەیەكی بەهێز دەستیان بە ڕووبەڕوو بوونەوەكە كردو سێ خولەك دوای فیكەی دەستپێكی یاری، هێرشبەری ئۆرگوایی، داروین نونێز گۆڵێكی بۆ تیپە پۆرتوگالیەكە تۆماركردو گێمی یەكەم بەم ئەنجامە تەواوبوو.
لە گێمی دووەم و لە خولەكی شەستونۆدا، یاریزان ڕافا سیلڤا ده‌رفه‌تێكی قۆسته‌وه‌و گۆڵی دووەمی بەنفیكای بەدەستهێنا، دواتر ناوبژیوان لێدانێكی سزای بۆ میواندارەكان هەژماركردو لە جێبەجێ كردنی لێدانەكەدا، داروین نونێز گۆڵی دووەمی خۆی و سێیەمی تیپەكەی له خوله‌كی حه‌فتاونۆ تۆماركرد.
بەم بردنەوەش كۆی خاڵەكانی بەنفیكا لە پلەی دووەمی ڕیزبەندی گڕوپی پێنجەم بۆ چوار خاڵ بەرزبووەوەو بارسێلۆناش دووەم یاری لەسەریەكی دۆڕاندو بەبێ هیچ خاڵێك لە دوایین خانەی ڕیزبەندی گڕوپەكە دێت.
بارسێلۆنا جارێکی دیکە دووچاری دۆڕانێکی سەخت هات
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.