سەرۆکایەتی شارەوانی هەولێر بە مەبەستی پاراستنی ژینگەی شار لە زبڵ و خاشاک، ژمارەیەک سەبەتەی کۆکردنەوەی زبڵ و خاشاکی لە سەنتەری شاری هه‌ولێر دانا.
پێش نیوەڕۆی ئەمڕۆ سێشەم بە ئامادەبوونی پارێزگار و جێگری پارێزگاری هەولێر و سەرۆکی شارەوانی هەولێر و بەڕێوەبەری خزمەتگوزاری و ژینگەپارێزی هەولێر، ژمارەیەک سەبەتەی زبڵ و خاشاک لە سەنتەری شاری هەولێر دانران.
سەرۆکی شارەوانی هەولێر ڕایگەیاند: ئامانج لە زیادکردن و دانانی ئەو سەبەتانە پاراستنی ژینگەی شاری هەولێرە لە زبڵ و خاشاک بۆ ئەوەی هاونیشتمانیانمان لە بڕی فڕێدانی پاشماوەکانیان لەسەر شۆستە و شەقامەکان بیخەنە ناو ئەو سەبەتانە کە دواجار ژینگەی شار بۆ هەمووانە و پاک و خاوێن ڕاگرتنیشی ئەرکی هەمووانە.
سەرۆکی شارەوانی هەولێر باسی لەوەش کرد کە سەرۆکایەتیی شارەوانی هەولێر وێڕای کۆکردنەوەی ڕۆژانە زیاتر لە 2000 تۆن زبڵ و خاشاک، بەردەوام لە ڕێگەی تیمەکانی بەڕێوەبەرایەتیی خزمەتگوزاری و ژینگەپارێزی چاودێری سەرجەم شەقام و کۆڵانەکان دەکرێت و هەڵمەتی فراوان بەڕێوەدەچێت بۆ پاککردنەوەی شار و پاراستنی ژینگەی شارەکەمان.
کۆمێنت (0)
تا ئێستا هیچ کۆمێنتێک نەکراوە.