كۆشكی سپی له به‌یاننامه‌یه‌كدا ئه‌مڕۆ دووشه‌م ڕایگه‌یاند، جۆ بایدن سه‌رۆكی ئه‌مه‌ریكا بڕیاریداوه ژه‌مه ڤاكسینی سێیه‌می په‌تای كۆڕۆنا وه‌ربگرێ.
به‌گوێره‌ی زانیارییه‌كانی ئاژانسی(ئه‌سۆشه‌یتد پرێس)، ئه‌مرۆ دووشه‌م بایدنی ته‌مه‌ن 78 ساڵ ژه‌مه ڤاكسینی سێیه‌م وه‌رده‌گرێ و دوای ئه‌ویش له‌مباره‌یه‌وه قسه بۆ ده‌زگاكانی ڕأگه‌یاندنی ئه‌مه‌ریكا و جیهان ده‌كات.
به‌یاننامه‌كه‌ی كۆشكی سپی له كاتێكدایه كه چه‌ند ڕۆژێك پێش ئێستا دوو ڕێكخراوی ته‌ندروستی ئه‌مه‌ریكی ڕایانگه‌یاندبوو، ئه‌و هاووڵاتییانه‌ی ته‌مه‌نیان له سه‌رووی 65 ساڵه‌وه‌یه یان نه‌خۆشی درێژخایه‌نیان هه‌یه یانیش له‌و شوێنانه كار ده‌كه‌ن كه سرووشتی كاره‌كه‌یان مه‌ترسیداره، ده‌توانن ژه‌مه ڤاكسینی سێیه‌می ڤاكسین له جۆری ڤایزه‌ر وه‌ربگرن.
جێی باسه بایدن سه‌رۆكی ئه‌مه‌ریكا یه‌كه‌م ژه‌مه ڤاكسینی كۆڕۆنای له 21ی كانووی یه‌كه‌م وه‌رگرتبوو، ژه‌می دووه‌میشی له 11ی كانوونی دووه‌م لێدرابوو.
کۆمێنت (0)
تا ئێستا هیچ کۆمێنتێک نەکراوە.