بە ئامادەبوونی وەزیری کارەبا و پارێزگاری هەولێر دوو پڕۆژەی گرنگی کارەبا لە قەزای مەخموور بە تێچووی 1 ملیار و 742 ملیۆن دینار کرایەوە.
ئەمڕۆ دووشەممە 27ـی ئەیلوولی 2021، لە ڕێوڕەسمێکدا بە ئامادەبوونی کەمال محەممەد وەزیری کارەبای هەرێم و ئومێد خۆشناو پارێزگاری هەولێر دوو پڕۆژەی گرنگی کارەبا لە مەخموور کرایەوە.
پڕۆژەکان پێکهاتوون لە کردنەوەی وێستگەی کارەبای بنار لە مەخموور کە لە لایەن کۆمپانیای گرشین دانراوە، هەروەها ڕاکێشانی فیدەرێکی 33KV لە قەراج کە ئەویشیان لە لایەن کۆمپانیای پاڵۆسەوە جێبەجێ کراوە.
هەردوو پڕۆژەکە بە گوژمەی 1 ملیار و 742 ملیار دۆلار چوونەتە بواری جێبەجێکردنەوە.
شایەنی باسە، پڕۆژەکان دۆخی کارەبای ناوچەکە باشتر دەکەن و بارزۆری سەر تۆڕەکانی کارەبا، کەم دەکەنەوە.
کۆمێنت (0)
تا ئێستا هیچ کۆمێنتێک نەکراوە.