ئێوارەی ئەمڕۆ چوارشەممە، لە گوندی شیناوەی سەر بە ناحیەی قەسرێی سنووری قەزای چۆمان کارمەندێکی ئاساییش بە دەستی براکەی کوژرا.
سەباح عەلی، بەرپرسی بنکەی ئاسایشی قەسرێ، بە کوردستان تیڤی ڕاگەیاند: ئەو کارمەندەی کوژراوە ناوی (عومەر ڕەسوڵ) تەمەن 42 ساڵ بەدەستی براکەی بەناوی (ت) کوژراوە، براکەی ماوەیەکی دوور و درێژە نەخۆشی دەروونی هەیە و ئەم ئێوارەیەش بە چەک تەقەی لە براکەی کردووە و پێش ئەوەی بگاتە بنکەی تەندروستی قەسرێ، براکەی گیانی لەدەستداوە.
گووتیشی: عومەر رەسول، ڕێپێدراوی ئاساییش بوو لە بەڕێوەبەرایەتی ئاساییشی چۆمان و خێزاندارە.
هاوکات سوارە ئەکرەم، قائیمقامی چۆمان بە کوردستان تیڤی ڕاگەیاند: لەگەڵ ڕووداوەکە پۆلیس چوەتە شوێنی ڕووداوەکە و پەڕاوی لێکۆڵینەوە بۆ ڕووداوەکە کراوەتەوە و بکوژ کە برای کوژراوەکەیە لەلایەن کارمەندانی پۆلیس و ئاساییش دەستگیر کراو ڕادەستی یاسا کراوە، تەرمی کوژراوەکەش بە مەبەستی توێکاری ڕەوانەی پزیشکی دادی سۆران کراوە.
کەریم سمکۆ
کۆمێنت (0)
تا ئێستا هیچ کۆمێنتێک نەکراوە.