ئەمڕۆ دووشەممە ٢٠٢١/٨/٣٠ ئەنجومەنی پاراستن و چاککردنی ژینگەی هەرێمی کوردستان کۆبۆوە و حسێن حەمەکەریم ب.گ.باخداری و دارستان و پاوان وەکو نوێنەری وەزارەتی کشتوکاڵ و سەرچاوەکانی ئاو، تێیدا بەشداربوو، وە راپۆرتێکی تایبەتی پێشکەشی ئامادەبوون کرد .
ته‌وه‌ری سه‌ره‌كی كۆبوونه‌وه : ئه‌ركه ژینگه‌ییه‌كانی (وه‌زاره‌تی كشتوكاڵ و سه‌رچاوه‌كانی ئاو) له‌بواره‌كانی: دارستانه‌كان ، نه‌مامگه‌كان ، پاشماوه كشتوكاڵییه‌كان ، په‌ینی كشتوكاڵی،به‌نداوه‌كان ،بیره‌كان ،كانه‌كان ،ڤێترنەریی ئەم کۆبونەوەیە به‌ئاماده‌بوونی ئه‌ندازیار عه‌بدولڕه‌حمان سدیق سه‌رۆكی ئه‌نجومه‌نی پاراستن و چاككردنی ژینگه‌ی هه‌رێمی كوردستان و، سكرتێری ئه‌نجومه‌ن و به‌ڕێوه‌به‌رانی فه‌رمانگه‌كانی ژینگه‌ی پارێزگاو ئیداره سه‌ربه‌خۆكان و ، نوێنه‌رایەتی ( 14)لە وه‌زاره‌ته په‌یوه‌ندیداره‌كانی ئه‌ندام له‌ئه‌نجومه‌ن و ، نوێنه‌رانی بۆردی رێكخراوه ژینگه‌ییه‌كانی كوردستان ،بەرێوەچوو له هۆتێل چوارچرای هه‌ولێر .
له‌ته‌وه‌ری یه‌كه‌می كۆبوونه‌وه‌كه‌دا سه‌رۆكی ئه‌نجومه‌ن تیشكی خسته سه‌ر گرنگیی كۆبوونه‌وه‌كانی ئه‌نجومه‌ن بۆ هه‌ماهه‌نگیی ژینگه‌یی كه ده‌سته‌ی ژینگه ده‌سته‌یه‌كی چاودێریی و هه‌ماهه‌نگییه وكار ده‌كات له‌سه‌ر هه‌ڵسه‌نگاندنی كاریگه‌رییه ژینگه‌ییه‌كان و، هه‌ماهه‌نگیی له‌گه‌ڵ وه‌زاره‌ت و ده‌سته جێبه‌جێكاره‌كان و بڵاوكردنه‌وه‌ی هۆشیاری ژینگەیی.
ته‌وه‌ری دووه‌می كۆبوونه‌وه‌كه بۆ حسێن حمە کەریم وتەبێژ و به‌ڕێوه‌به‌ری گشتیی دارستان پاوان له‌وه‌زاره‌تی كشتوكاڵ و سه‌رچاوه‌كانی ئاو ته‌رخان كرابوو ، KH,FVH, تیشكی خسته سه‌ر ئه‌ركه ژینگه‌ییه‌كانی وه‌زاره‌تی کشتوکاڵ وسەرچاوەکانی ئاو له‌بواری : دارستانه‌كان ، نه‌مامگه‌كان ، پاشماوه كشتوكاڵییه‌كان ، په‌ینی كشتوكاڵی ، به‌نداوه‌كان بیره‌كان ، كانه‌كان ، ڤێترنەری.
ته‌وه‌ری سێیه‌می كۆبوونه‌وه‌كه تایبه‌ت بوو به گفتوگۆی ئاماده‌بووان ، له‌م ته‌وه‌ره‌دا زۆرینه‌ی نوێنه‌رانی وه‌زاره‌ته‌كان به‌پرسیارو سه‌رنجه‌كانیان راپۆرته‌كه‌ی (وه‌زاره‌تی كشتوكاڵ و سه‌رچاوه‌كانی ئاو) یان ده‌وڵه‌مه‌ندتر كردو ، دواتریش به‌ڕێوه‌به‌ری گشتیی دارستان پاوان له‌وه‌زاره‌تی كشتوكاڵ و سه‌رچاوه‌كانی ئاو ، وه‌ڵام و روونكردنه‌وه‌ی پێویستی به‌ئاماده‌بووان دا.
راگەیاندنی وەزارەتی کشتوکاڵ و سەرچاوەکانی ئاو
کۆمێنت (0)
تا ئێستا هیچ کۆمێنتێک نەکراوە.