ئه‌ڤرو سپێدێ 25/8/2021 ب سه‌رپه‌رشتیا به‌رێز شمعون شلیمون جێگرێ پارێزگارێ دهۆكێ كۆمبوونا لیژنا پاراستنا زاروكان ل پارێزگه‌ها دهۆكێ هاته ئه‌نجامدان.
دكۆمبوونێدا به‌حسێ كاروبارێن لیژنا پاراستنا زاروكان ودوویڤ چونا به‌رده‌وام یا ئه‌ندامێن لیژنێ بو نه‌هێلانا دیاردا خازخازوكیێ دناڤ زاروكان دا ل سه‌ر جادا وجهێن گشتى ب گشتى هاته كرن.
پاش ئه‌ندامێن لیژنێ هه‌ر ئێكى ل گوره‌ى بسپوریا پێ هاتیه راسپاردن راپورتێن تێر وته‌سه‌ل لسه‌ر ئه‌نجیندایێن كومۆمبوونێ به‌رچاڤكرن ودان وستاننێن به‌رفره‌ه ل سه‌ر هه‌ر راپورته‌كێ هاتنه كرن.
ل دوماهیێ چه‌ند پشنیار وبریار هاتنه ده‌ركرن بو وێ یه‌كێ ئه‌ركێ لیژنا بلند ولیژنێن لاوه‌كى باشتر بهێته كاركرنو دووڤ چونا دیاردا خازخازوكیێ ل ده‌ف زاروكان بهێته كێمكرن وبنبركرن.
هه‌روه‌سا ته‌كه‌زى ل سه‌ر هه‌ڤكاریا به‌رده‌وام دناڤبه‌را هه‌موو ئه‌ندامێن لیژنا دا هاته كرن بو وێ یه‌كێ خزمه‌تا زاروكان باشتر بهێته كرن.
کۆمێنت (0)
تا ئێستا هیچ کۆمێنتێک نەکراوە.