قایمقامیەتی قەزای ناوەندیی هەولێر له ڕاگه‌ێندراوێكدا ڕایگه‌یاند: لەسەر بڕیاڕی قایمقامی قەزای ناوەندیی هەولێر به‌دواداچوونه‌وه و داخستنی پاڵاوگە نایاسایی و بەدەر لە ڕێنماییەکانی ژینگە به‌رده‌وامه.
ئەمڕۆ سێشەممە رێکەوتی 2021.8.24 لە درێژەی هەڵمەتی به‌دواداچوونه‌وه‌ی پالاوگە نایاساییەکان لەلایەن قایمقامیه‌تی قه‌زای ناوه‌ندیی هه‌ولێر، بەھەماھەنگی لەگەڵ فەرمانگەی ژینگه‌ی ھەولێر، لەبەر نەبوونی ڕێنماییەکانی و پیسکردنی ژینگە و بڵاوبوونەوەی ئەو جۆرە بۆنە ناخۆشەی دانیشتووانی شاری هەولێری هەراسان کردووە (3) پاڵاوگەی نایاسایی لەسەر رێگای ھەولێر - گوێڕ داخران.
ڕاشیگه‌یاندووه: لێرەوە ڕایدەگەیەنین ئەم ھەڵمەتە بەردوام دەبێت، ھەر پاڵاوگەیەک بەدەر لە ڕێنماییەکان کار بکات دادەخرێت و ڕێکاری یاسایی لەبەرامبەردا دەگیرێتە بەر .
کۆمێنت (0)
تا ئێستا هیچ کۆمێنتێک نەکراوە.