سبەی یارییەکانی پارائۆڵیمپیک تۆکیۆى 2020 ده‌ستپێده‌کات

ژمارەی ئەو کارمەندانەی پارائۆڵیمپیک تۆکیۆ 2020 کە تووشی کۆرۆنا بوون گەیشتە 144 کەس.
لیژنەی رێکخستن، ئەوەی ئاشکرا کرد کە پشکنینی کۆرۆنای 13 کارمەندی خزمەتگوزاری یارییەکانی پارائۆڵیمپیک تۆکیۆ 2020، پۆزەتیڤ بووە.
لەئێستاشدا ئەو کارمەندانە کەرەنتین کراون.
بەم شێوەیە ژمارەی ئەو کارمەندانەی یارییەکانی پارائۆڵیمپیک تۆکیۆ 2020 کە تا ئێستا تووشی کۆرۆنا بوون گەیشتووەتە 144 کەس.
بڕیارە سبەی 24ی ئاب یارییەکانی پارائۆڵیمپیک تۆکیۆ 2020دەست پێ بکات و تا پێنجی ئەیلوول بەردەوام بێت، تیایادا چوار هەزار و 400 وەرزشوان لە 160 وڵات و هەرێمی جیهانەوە و لە 22 بواری جیاوازی وەرزشیدا لە کێبڕکێدا دەبن.