پارێزگارێ دهۆکێ دگەل هژمارەکا بازرگانێن دهۆکێ کۆمبوو

ئەڤرۆ رۆژا ئێکشەمبی رێکەفتی ٢٠٢١/٨/٢٢  “د.عەلی تەتەر” پارێزگارێ دهۆکێ ب بەرهەڤبوونا بەرێزان”حەمید عەلی” رێڤەبەرێ کۆمەلگەها دەروازێ نیڤدەولەتی یێ “ئیبراهیم خەلیل” و “شێخ ئەیاد حەسەن” سەرۆکێ ژۆرا بازرگانی و پیشەسازیا دهوک دگەل هژمارەکا بازرگانێن پارێزگەها دهۆکێ کۆمبوو.
دکۆمبوونێدا ل دۆر رەوشا لڤینا بازاری و بازرگانیێ و ئینانا کەلوپەل و متایی و باج و رسوماتێن گومرکی و وەرگرتنا دەستیریا ئینانا کەلوپەلان دانوستاندن هاتەکرن.
دپەیڤەکێدا پارێزگارێ دهۆکێ راگەهاند: ئارمانجا مە ژڤێ رۆنشتنێ گوهداریا گلەوگازندە و پێشنیارێن و چارەسەرکرنا وان ئاریشانە بو هندێ سەرئەنجام دبەرژەوەندیا گشتی یا هاولاتیاندابیت، پارێزگارێ دهۆکێ گوت: یا مەپێ چێ بیت دچوارچووڤێ یاسا و رێنمایاندا دێ هاریکاریی و ئاسانکاریان بو هەوە کەین، و دیارکر بۆ وەرگرتنا دەستیریان بریارهاتیەدان روتین بهێتە کێمکرن و نوکە ل سنورێ پارێزگەهێ دەستیریی بۆ کارێ بازرگانی دهێنەدان، پارێزگارێ دهۆکێ دپەیڤا خودا راگەهاند نابیت قورخکاریی بکەڤیتە دبازاریدا و حکومەتا خوجهی بەردەوام دیڤچوونا سەختەکاری و زێدەگاڤییێن لسەر کەرتێ بازرگانی دکەت. دبەردەوامیا پەیڤا خۆدا پارێزگارێ دهۆکێ راگەهاند: هوین دبەژدارن دبەشەکێ گرنگێ دابینکرنا پێدڤیان دا و دوپاتدکەین یا مەپێ چێ بیت بۆ ئاسانکاریان دێ ئەنجام دەین،  لێ دەرڤەیی رێنما و یاسایی ئەم نەشێین پشتەڤانیێ ل قورخکاریی و خرابیێ بکەین و هیڤیدارین ئەم هەمی پێکڤە بۆ بەرژەوەندیا گشتی یا هاولاتیان کاربکەین.
دکۆمبوونێدا پشتی دانوستاندن و هەلسەنگاندنەکا تێروتەسەل پارێزگارێ دهۆکێ دامودەزگەهێن پەیوەندیدار راسپاردن بۆ ئەنجامدانا ئاسانکاریی و هاریکاریێ بۆ وێ یەکێ قورخکاریی نەکەڤیتە دپرۆسا بازرگانی و بازارییدا.