گۆڤارێکی یٔەمریکی: یٔێران لەنێو لیستی یٔامانجەکانی فڕۆکەی جەنگی "F-35"ی یٔیسرایٔیلە

هەریەک لە ئێران و ئیسرائیل جەنگی وتار و لێدوان ئەنجامدەدەن، لەگەڵ هەڕەشەی راستەوخۆی بەکارهێنانی هەر وڵاتێک چەکی مەترسیداری خۆی، جا چی مووشەکەکانی ئێران بێت یاخوود فڕۆکە جەنگییە تۆقێنەرەکانی ئیسرائیل لە جۆری "F-35".
گۆڤاری "ناشیوناڵ ئینتەرسێت"ی ئەمریکی دەڵێت، فڕۆکە جەنگییەکانی ئیسرائیل لە جۆری "F-35" کە سەر بە نەوەی پێنجەمە ئێرانی خستووەتە لیستی ئامانجەکانییەوە.
ئیسرائیل دوو کۆپی لەم فڕۆکە تارماییە هەیە کە یەکێکیان ئاسایيە و هەندێ لە وڵاتانی جیهان هەیانە، بەڵام کۆپی دووەم کۆپییەکی تایبەتە کە دەکرێت تەیار و چەکدار بکرێت بە چەکی دروستکراوی ئیسرائیل، ئەمەش توانای شەڕکردنی ئەمجۆرە فڕۆکە بەشێوەیەکی تایبەت و هێزی ئاسمانی ئیسرائیل بەشێوەیەکی گشتی زیاد دەکات.
گۆڤارەکە راشیده‌گه‌ێنێت، فڕۆکەی "F-35" کە ئیسرائیل هەردوو کۆپییەکەی هەیە بڕبڕەی پشتی هێزەی ئاسمانی ئەو وڵاتە پێکدێنێت و توانای ئەوەی پێدەبەخشێت کە باشترین هێزی ئاسمانی هەبێت لە ناوچەکە لە چەند دەیەی داهاتوودا.