د. دڵزار حه‌مه ساڵح بۆ یه‌كه‌مجار له‌سه‌ر ئاستی هه‌رێمی كوردستان و عێراق و ناوچه‌كه‌دا ، 3 بڕوانامه‌ی نێوده‌وڵه‌تی له شه‌تره‌نج به‌ده‌ست ده‌هێنێت.
د. دلزار حه‌مه ساڵح سه‌رۆكی یانه‌ی شه‌تره‌نجی خانزاد به‌ماڵپه‌ری كوردستان تیڤى راگه‌یاند: بەسەرپەرشتی یەكێتی شەترەنجی نێودەوڵەتی (FIDE) بەشداریمان له سیمینارێكی یەكێتی شەترەنجی ئاسیا كرد ، سه‌ركه‌وتوبووین له بەدەستهێنانی بڕوانامەی نێودەوڵەتی و بەمەش دەبینه یەكەمین كورد كە 3 بڕوانامەی نێودەوڵەتی به‌ده‌ست بهێنین.
راشیگه‌یاند: به شداریكردنه‌كه‌مان له رێگای ئۆنلاین بووه، لەماوەی نێوان 28 تا 31 ی تەمموزی 2021 ئەكادیمیای یەكێتی شەترەنجی نیودەوڵەتی بەچاودێری راستەوخۆی یەكێتی شەترەنجی نێودەوڵەتی سیمینارێك بەڕێوەچوو، كە لە دەستپیكدا هشام ئەلتاهر ئەمینداری گشتی یەكێتی شەترەنجی ئاسیا و سۆلاكۆگلو ئۆزگور سەرۆكی چالاكییەكانی یەكیتی ناوبرا و كاستۆ ئەبۆندۆ بەڕێوەبەری جێبەجێكاری یەكێتی ئاسیا و مهرداد باهلیفان زادە ئەمینداری لیژنەی بنەماكانی یەكیتی ئاسیا ئامادەبوون.
د. دلزار حه‌مه ساڵح سه‌رۆكی یانه‌ی شه‌تره‌نجی خانزاد ئاماژه‌ی بۆ ئه‌وه‌شكرد، كه مەهدی عەبدوڵرەحیم سەرۆكی لێژنەی یەكێتی شەترەنجی نێودەوڵەتی و سەرۆكی لیژنەی ناوبژیوانان سیمینارەكەیان بەڕێوەبرد و وه‌ك تاكه كوردێك له هه‌رێمی كوردستان، لەنێو 12 وڵات بەشداریمان كرد و توانیمان سەركەوتوو بین و بڕوانامەی نێودەوڵەتی بەدەست بهێنین.
جێی باسە د. دڵزار حەمەساڵح بووە خاوەنی 3 بروانامەی نێودەوڵەتی وەك بڕوانامەی راهێنەرایەتی و ناوبژیوانی و رێكخەر و لەماوەی رابردوودا چەندین پاڵەوانێتی نێودەوڵەتی لە وڵاتانی عێراق، تونس، رووسیا، هەنگاریا، هەروەها تاكە رێكخەریشە لەسەر ئاستی كوردستان و عێراق زۆرترین پاڵەوانێتی نێودەولەتی و نیشتمانی ریكخستووە كە 70 پاڵەوانێتی نێودەوڵەتی بوو.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.