میدیاكانی ئیسپانیا ئاشكرایانكرد كە یانەی بارسێلۆنا هەوڵدەدات لە مێركاتۆی هاوینەی ئێستادا گرێبەست لەگەڵ هەردوو یاریزانی یانەی بایرن میونشن، لوكاس هێرناندیزو لیۆن گۆرێتسكا واژووبكات.
لەمبارەوە ڕۆژنامەی مۆندۆ دیپۆرتیڤۆی ئیسپانی بڵاوی كردەوە كە ڕۆناڵد كۆمان ڕاهێنەری بارسا ئارەزوو دەكات لوكاس هێرناندیز بگوازێتەوە ڕیزی تیپەكەی و لە ناوەڕاست و باڵی چەپی هێڵی بەرگری سوودی لێ وەربگرێت، بەڵام پێناچێت ئەم هەنگاوەی بلاوگڕانا ئاسان بێت، ئەویش بەهۆی بەرزی نرخی یاریزانەكە واش چاوەڕوان دەكرێت بەرپرسانی بایرن به ئاسانی دەستبەرداری نەبن.
هەر بەپێی زانیاریەكانی هەمان ڕۆژنامە بارسێلۆنا چاوی بڕیوەتە تواناكانی لیۆن گۆرێتسكا كە گرێبەستی لەگەڵ بایرن لە هاوینی ساڵی داهاتوو تەواودەبێت.
هاوكات یانەی مانچستەریونایتد ڕكابەری بارسا دەكات بۆ سوود وەرگرتن لە تواناكانی ئەم یاریزانە، جێگای باسە گۆرێتسكا لە هاوینی ساڵی دووهەزاروهەژدە گرێبەستی لەگەڵ یانەی شالكە تەواوبوو، ئەو كات بارسێلۆنا هەوڵی گواستنەوەی یاریزانەكەی دابوو، بەڵام ناوەڕاستكارە ئەڵمانیەكە بایرنی هەڵبژاردو چووە ڕیزی تیپە باڤاریەكە.
کۆمێنت (0)
تا ئێستا هیچ کۆمێنتێک نەکراوە.