کۆمبوونەکا بەرفرەھ بۆ رێکخستنا هەوا هەلبژارتنێن جڤاتا نوونەرێن عیراقێ هاتە ئەنجامدان

ئەڤرۆ ل رێکەفتی 13-7-2021 روژا سێشەمبی ل هولا کۆمبوونێن پارێزگەهێ ب سەرپەرشتیا  " ماجد سەید سالح" جێگرێ پارێزگارێ دهوکێ و ب ئامادەبونا  " خالد عەباس" بەرپرسێ نڤێسینگەها کومسیونا هەلبژارتنان ل پارێزگەهێ و هەموو دەڤەردارێن لسنورێ پارێزگەهێ و رێڤەبەرێن باژێرڤانیان و رێڤەرێن دامو دەزگایێن میری یێن ئێمناهیێ و چەند نوونەرێن قەوارێن سیاسی و چەند بەربژارێن لایەنێن سیاسی کۆمبوونەکا هەڤبەش هاتە ئەنجامدان دناڤبەرا کارگێریا پارێزگەها دهوکێ و نڤێسینگەها کومسیۆنا هەلبژارتنان ل پارێزگەهێ ژبو هندێ کو رێکستنەکا ب رێکو پێك بهێتە دانان بو هەوا هەلبژارتنێن جڤاتا نوینەرێن عیراقێ و پاراستنا سیمایێ پارێزگەها دهوکێ
د کۆمبوونێ دا بەحسا چەندین بریار و رێنمایێن گرنگ هاتەکرن ب تایبەت رێنمایێن هەڤبەش دناڤبەرا لایەنێن پەیوەندیدار و کۆمسیۆنا هەلبژارتنان 
وەك :ـ
ـ رێنمایێن کومیسیونێ و باژێرڤانیان بەرچاڤ بهێنە وەرگرتن
ـ کەرەستێن کارتێکرنێ ل سیمایێ باژێری دکەن نەهێنە بکار ئینان 
ـ دەردورێن فەرمانگەهان نەهێنە بکارئینان
ـ رێیێن پیادەو و یێن هاتنوچونا ترومبێلان نەهێنە بکارئینان بو پوستەرێن بەربژاران
ـ سەرجەم جهێن ئاینی نەهێنە بکارئینان بتنێ بو کومسیونێ هەیە ب رێیا وان جهان ئاگەهداریان بگەهینیتە هاولاتیان
ـ رێنمایێن هاتنوچونێ بەرچاڤ بهێنە وەرگرتن
دگەل چەندین بریارێن دی یێن گرنگ
پاش هەمو بەرپرسێن بەشداربوین ئامادەییاخو دیارکر بو جێبەجێکرن و لسەر راوەستیانا رێنمایان و پاراستنا ئێمناهیێ د پروسا هەلبژارتنان دا. 
دوڤدا بەحسا یاسا و سیستەم و بریارێن نوی یێن هەلبژارتنان هاتەکرن کو جوداترن ژ هەلبژارتنێن دەربازبوی 
هەر دکۆمبوونێ دا بەرپرسێ نڤێسنیگەها کومسیونێ ل دهوکێ چەندین رێنما و بریارێن کومسیونا بلند بو بەربژاران خواندن 
ل داویێ جێگرێ پارێزگارێ دهوکێ راگەهاند :-
وەکو ئیدارا پارێزگەهێ دێ هەمو بریار و رێنمایان جێبەجێکەین هەمو سازیێن لسنورێ پارێزگەهێ دێ ئەرکدارکەین پێگیری یاسایێن کومسیونا هەلبژارتنان بن بو هندێ پروسا هەلبژارتنان ب شێوەکێ ئارام و ساخلەم ب رێڤە بچیت.