لیوا یه‌حیا ره‌سوڵ، وته‌بێژبه‌ناوی فه‌رمانده‌ی گشتی هێزه چه‌كداره‌كانی عێراق رۆژی دووشه‌ممه رایگه‌یاند ئه‌فسه‌ره ده‌ستگیركراوه كه مووچه‌ی فه‌رمانبه‌رانی فه‌رمانگه‌كه‌ی دزیبوو و به‌ره‌و توركیا رایكردبوو.
یه‌حیا ره‌سول له رایگه‌یه‌نراوێكدا گوتی: مسته‌فا كازمی سه‌رپه‌رشتی ئۆپه‌راسیۆنی ده‌ستگیركردنی عه‌قید خالد موفره‌جی كردووه كه مووچه‌ی فه‌رمانبه‌رانی به‌رێوه‌به‌رایه‌تی گشتی بۆ كاروباری جه‌نگاوه‌رانی دزیبوو.
وته‌بێژبه‌ناوی فه‌رمانده‌ی گشتی هێزه چه‌كداره‌كانی عێراق گوتیشی: ئۆپه‌راسیۆنی ده‌ستگیركردنه‌كه له‌لایه‌ن ده‌زگای هه‌واڵگری عێراق به‌هاوكاری لایه‌نی توركی ئه‌نجامدراوه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.