نێجیریا .. 325 که‌س به‌ په‌تای کۆلێرا گیانیان له‌ده‌ستدا

ژماره‌ی ئه‌وانه‌ی به‌هۆی تووشبوونیان به‌ په‌تای كۆلێرا له‌ نێجیریا گیانیان له‌ده‌ست داوه‌ گه‌یشته‌ 325 كه‌س.
به‌ڕێوه‌به‌ری بنكه‌ی كۆنتڕۆڵكردنی نه‌خۆشییه‌كان له‌ نێجیریا، دكتۆر چیكوه‌ ئیكوازو رایگه‌یاند له‌ كانوونی دووه‌مه‌وه‌ په‌تای كۆلێرا له‌ 15 ویلایه‌تی نێجیریا بڵاو بووه‌ته‌وه‌.
له‌و كاته‌وه‌ تاكو ئێستا 325 كه‌س به‌هۆی كۆلێراوه‌ گیانیان له‌ده‌ست داوه‌.
ناوبراو به‌ تیشك خستنه‌ سه‌ر ئه‌وه‌ی كه‌ 14 هه‌زار و 343 حاڵه‌تی تووشبوون به‌ كۆلێرا تۆمار كراون و زۆربه‌یشیان ته‌مه‌نیان له‌نێوان پێنج بۆ 14 ساڵیدایه‌.
چیكوه‌ ئیكوازو به‌ سه‌رنج خستنه‌ سه‌ر ئه‌وه‌ی كه‌ حكوومه‌ت بۆ رێگه‌گرتن له‌ ته‌شه‌نه‌سه‌ندنی زیاتری په‌تاكه‌، رێوشوێنی پێویستی گرتووه‌ته‌ به‌ر. داوای له‌ خه‌ڵك كرد گرنگی زیاتر به‌ پاكوخاوێنی بده‌ن.