رێباز حملان: کابینه‌ی نۆیه‌م له‌ماوه‌ی دووساڵی رابردوودا ده‌رئه‌نجامی به‌رچاوی به‌ده‌ست هێناوه‌

رێباز حملان، یاریدەدەری سەرۆک وەزیرانی هه‌رێمی كوردستان دوای دووساڵ به‌سه‌ر پێكهێنانی كابینه‌ی نۆیه‌می حكومه‌تی هه‌رێمی كوردستان له‌بابه‌تێكیدا كه‌ وێنه‌یه‌كی ده‌ست كوردستان تیڤی كه‌وتووه‌ نووسیویه‌تی..

دوو ساڵی سەخت و دژوار...

کابینەی (نۆ)دەستپێکێکی پڕ لە ھیواو ئاڵەنگارییەکی گەورە بەرامبەر دابەزینی نرخی نەوت، سەرھەڵدانی ڤایرۆسێکی کوشندەو دەگمەنی وەک کۆڤید ١٩ کۆرۆنا،ململانێی سیاسی و ناوخۆیی و ناوچەیی و ھەڕەشەی بەردەوامی سەربازی و تیرۆریستی،

دانووستانی درێژخایەنی بەغداد و ھەولێر،بەڵام لە دووساڵدا دەرئەنجامی بەرچاو لە ئاست چاوەڕوانیدا لە جێبەجێکردنی بەڵێنەکانیدا لە کارنامەکەیداکە رایگەیاندبوو:

١-رێکكەوتن لەگەڵ بەغداد و رێککەوتن و لەسەرەتای ئەم ھەفتەیە دەرئەنجامی ئەو رێکەوتنە دەردەکەوێت.

٢-چاکسازی و ریفۆرم لە داھاتی نەوت و داھاتی ناوخۆو خەرجی و ھەمووی بۆ گەل و پەرلەمان خرایە روو.

٣-ئاوەدانی و بەردەوامبوون لە پرۆژەی خزمەتگوزاری و شەقام و پرد و نەخۆشخانە و کارگە و وەبەرھێنان و رەخساندنی ھەلی کار لە کەرتی تایبەت.

٤-گرنگیدان بە کشتوکاڵ و پیشەسازی و بازرگانی و گەشتیاری و دروستكردنی سایلۆو وەبەرھێنان لە بواری کشتوکاڵ و پرۆژەی نوێی گەشتیاری.

٥-حکومەتی خەڵک و کوردستان بێ جیاوازی ناوچەو رەنگ و دین و زمان.

٦-بەردەوامبوون، کۆڵنەدان تا دووساڵی تر تەواوی کارنامەکە جێ بە جێدەکرێت.

چونکە کاپتنی ئەم کاروانە خاوەن بڕیارو بە ئیرادەو نیشتمانپەروەر و ماندوونەناسەوتیمەکەشی بە پشتیوانی جێگری سەرۆک وەزیران پشوو درێژ و خۆراگرو ئامادەی ھەموو بەرپرسیارێتییەکن.