له‌سه‌ر دیاری كردنی پله‌كانی سێیه‌م و چواره‌می پاله‌وانێتی جامی كۆپا ئه‌مه‌ریكا هه‌ردوو هه‌لبژارده‌ی كۆلۆمبیاو پیرۆ له‌سه‌ر یاریگای مانی جارینشای نیشتمانی له ولاتی به‌رازیل روبه‌رووی یه‌كتری بوونه‌وه .
گێمی یه‌كه‌می یارییه‌كه هه‌لبژارده‌ی پیرۆ به گۆلێك پێشكه‌وت گۆله‌كه‌ش له خوله‌كی چل و پێنج له‌لایه‌ن یاریزان یۆشیمار یۆتۆن تۆمار كرا ، له‌گه‌ل ده‌ست پێكردنی گێمی دووه‌م و له خوله‌كی چل و نۆ خوان كوادرادۆ به لێدانێكی راسته‌وخۆ گۆلی یه‌كسان بوونه‌وه‌ی بۆ كۆلۆمبیا تۆمار كرد.
هێرشه‌كانی كۆلۆمبیا به‌رده‌وامیان هه‌بوو له خوله‌كی شه‌ست و شه‌ش لویس دیاز گۆلی دووه‌م و پێشكه‌وتنی بۆ كۆلۆمبیا تۆمار كرد ، یاریزانانی پیرۆ به‌م ئه‌نجامه رازی نه‌بوون و له خوله‌كی هه‌شتاو دوو جیانلۆكا لابادۆلا به‌لێدانی سه‌ر گۆلی دووه‌می تۆمار كردو یاریه‌كه‌شی یه‌كسان كرده‌وه ، به‌لام له چواره‌م خوله‌كی كاتی زیادكراودا لویس دیاز گه‌رایه‌وه‌وبه لێدانێكی به‌هێز له ده‌ره‌وه‌ی ناوچه‌ی سزا گۆلی دووه‌می خۆی و سێیه‌می كۆلۆمبیای تۆمار كردو سه‌ركه‌وتنی به‌خشیه هه‌لبژارده‌ی ولاته‌كه‌ی و كۆلۆمبیا پله‌ی سێیه‌می جامی كۆپا ئه‌مه‌ریكای به‌ده‌ست هێناوله لایه‌ن به‌رپرسانی ئاماده‌بوو میدالیای برونزو خه‌لاتی سه‌ركه‌وتن به‌خشرایه یاریزانه‌كان.
کۆڵۆمبیا پله‌ی سێیه‌می پاڵه‌وانێتی جامی کۆپا ئه‌مه‌ریکای به‌ده‌ستهێنا
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.